1-ila nta bhar ana houta fik w il nta djnen ana warda fik w ila nta thabni ana nmout 3lik

2-talit 3la labhar wa ch'tkitlou hami antek liya labhar ou kali yfaredj rabbi wa bi hobek sallem ghanem w taklen 3ala rabbi

3-Aydawi bik ou yathanna hanna ya ahnina yal m3atra berwayeh el djanna djini fi essira wa essana liya Ah'bal

4- khredjt fi anssef elyali we tlebt ma3boudi 9olt :" ya rabbi adjma3 chamli m3a chaml mahboubi "

5-Dja lam3alem li waleftou w khyalou bin 3iniya douk amya maydjiwchkif surtou fel 3a9lya

6-Khardja mel hammam wa akhdoudha yahmarou wa lli aywariri darha ayaâmrourou darou

7-Ghali, ghali wa el ghali rabbi, mahma atrouh wa atghib am3aztek fi kalbi

8-Tla3t lasstah, koult lahbibi balek tanssani yakhi libali amhabtek fi 9albi ki el djouhar el ha9ani

 

10-nemt ou lamnem rowaya men 3andi, rabbi ahmama bida djet hatet 3liya



11-mchit allil wahdi wana nabki wana annadi, ya rabbi la3ziz sagamli sa3di



12El mandjel 3omrou mayasswi, el 9alb ma ayhab ghir alli yahwa




13-3âynik toute we hwedjbek yakout wana li nadik weli yebghi ymout ymout



14-ghrasst yassmina fi wasst addar, kabret ou madet lazhar mabiya walou ghir ghadr el djare

15-3ini 3in lahbib wa alssani hacheme atmanit andir el hanna wa anzid el khatem

16-yadi fi yed khouya, ou yed khouya bi el hanna, wa el youm saâdou houwa ou ghdwa anna nathanna

17-assfina tadjri atwassikoum ya abnet la takhdou el bahri, yarmi akloub fi echabka b'la chafka wa aykhalli admouâa tadjri ou tadjri

18-Fammi, fammek fi kess ou sarri ou sarrek wach wasslou laness, sarri azdjedj ida atkassar akhlass

19-Ahbet al kaâ adjnen sabt lamleh arkoud atkassmet eddalia wa atnahhed el aânkoud :" ghalli, wa el ghali mahma atrouh wa atghib "

20-Wa aâlik ya ahbibi anna kabla nakbel ou natwaffa

21-Arfet abriki wa atwaddit ou rabbi aâtanni ma atmanit

22-Ki talka lamlih amâa lamlih yatwaddou, el bannina ou ki talka lamlih amaâ eddouni yachabaôu laghbina ou ki talka eddouni m'âa eddouni aygharkou essfina

23-Ahbet el kaâ labhar alkit labhar yaghli, khardjet li djaniya kaletli :" wech bik ya sâadiya ? ahbibek djey ou djayeblek ahdiya "

24-Assamra! ya essamra, yalli ahlouwa ki ettamra, aâyounek chahla wa el sanek djamra!

25-Kount ki el warda el madbala dja ahbibi ou ghir el hala ya khouya, el hob rahou akwani ou adweh rahou achfani

26-Ou fi azmani walhana, ya louken atdji wa atdjini ou tadini amâak ou matkhayenni rani fi el hob aâchkana

27-Admouaâ fi laâyoun sayyala ou lakloub dayyara ou djawwala wana natâadeb wa ankassi wa ankoul win ahbebi, win nassi wa ankoul ya lil ya aâyn

30-Naddik wa anaâichou hanyin ou nattalaâou lakmar wa ankoulou ya lil ya aâyn

31-Noudou ya naymin! Abnet assaltan djayin fihoum wahda zinet azzin taâachek lahwadjeb wa el aâyn

32-Bayeâa lamhadjeb, ou ya magroun lahwadjeb win lahbib, win essaheb win el kalb hahou daheb

33-Addanya wallet assâiba ou mina assaâb talka ahbiba djnbek amâa djanbha wali aytih fiha talkaha diba

34-Winek ya ghazali , winek ya ghazali, âoudli wa achfek âala hali , ghiyabek âadeb ou choukek nar wa el hayet abla bik ma tahla

35-Djayez âala beb darna yarmi fi hab lamlouk kallek : " yalla mayachrini bouk ", koltilou : " el horr ma yatbaâ tamm adhab aâla adhab ou matkoun tammaâ " kalli : " nakhdem aâlik ou nassref el ghali, aâla bent ardjel nakhssar rass el mel "

36-Bi khat yaddou m'âalem kalli : "ranni sallemi lahbib abâatou fi awrek adheb aktabtou " ou bi ahrouf fadda archamt rad âala esallem moussallem , adâaid bassah min kalbek rani akrib wa in chaa allah ma anaâoud abâaid

37-Annass bi lahbib wa annass aâla el farha athanni wa ana laghram amlakni

38-Ya kaydin achmouâa hakou chamâa kidouha, balek el ghayeb ayâaoud wa alfarha anaâwdouha

39-Matâadjbek warket addafla fi el ghaba dir adlayell, ou mayaâadjbek zin attafla hata atchouf lafaâyel

40-Ya ali, ya ali yalli assmek ghali, radjaâa rouhek atbib wa andji, ou adji atchouf hali , anfarrachlek afreche ahrir wa anghatik bi izari

41Aâmti ya âamti wach bik ghadbana? Ida bik aâla atâam, rani chabâana, wa ida bik âala el ma rani rawyana, wa ida bik âala kahl el aâyn manadih ghir ana

42-Djazou âaliya atlata abnet, yagharssou fi azhar, kolt alhom :" ki yanbet khalouli hakki " kaletli allawla:" hada azhar manssoub", ou kalet attania :" azhar makssoub", ou kalet attalta :" anchouf el maktoub" wana âakli m'cha m'âa el maktoub

43Dahkou, wa adhakt amâahoum, wa aklit wa aklit malhoum, ou baâd ayyamet kadbouni, charbouli lamrar, andemt aâla aârafthom

44-Kalbi mahmoum, malkit limen nahkih, ahkitou labnet âayrouni bih

45-Amchit, amchit hatta aâyit, djarrabt m'âa m'lih wa addouni, bassah mazel malkit alli aywalemni, yahmel atbayâai wa aydirni amra fi el-bit, farredj ya rabbi wa abâat li arradjel alli atmanitou

46-Ana chabba ou mahri ghali, walli yabghini yaddini yahsseb andjoum ou yasshar elyali ou yabnili akssour lâalali wa illa b'gha el ghali andjiblou b'net wa adrari

47-Djitkoum ya el waldin, bidjeh anbi latkhalou aytoul aâdabi ana nabghiha ou zinha houwa assbabi

48-Alli adjrahli kalbi daweh, wach mal âayn talkah, natleb man rabbi el fatteh aykhalouni narteh wa anhel babi narteh

49-Radit daffa 3la daffa, wa atwit afrachi laffa âala laffa, anta saâdi chamaâti la tatfa

50-Darna akbira ou sourha âali, el khir dima fiha dayem, ya rabbi ya akrim, ahfed dek el khir wa anâayem

باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...


هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

وحكمتكم : بئس الطعام الحرام
...

باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...


لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.



و حكمتكم :تجنب شؤم الهزل ، و نكد المزاح.

...

باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

و حكمتكم : ثمرة العلوم العمل بالمعلوم.


باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...



رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.



و حكمتكم : جد بالكثير ، واقنع بالقليل





باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...



مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .



و حكمتكم : الحازم من كتم سرّه



باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..


يما يما ديريلي تويقة في وسط الحديقة باش نشوف زهرى كي تجيبو ذيك الوريقة.



و حكمتكم : الخَرَسْ خير من الكذب .


باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..


ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .



و حكمتكم : دُل على الجميل بجميل خلالك



باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...



عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.



ربما أراد الأحمق نفعك فضرّك


باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.



وحكمتكم : زين النّطق الصّدق .

باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...


خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .



و حكمتكم : سرور الدنيا كأحلام النائم .

باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...



الناس تنده بالرجال و الوالي ، وانا ننده بربي العالي .



وحكمتكم : الشكاية سلاح الضعفاء .

باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...



حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.



و حكمتكم : صداقة الجاهل تعب .


باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...



كلام على كلام و الكلام على سقيلة ، العين في العين و الدّعوة مقبولة.





و حكمتكم : ضالة الكريم حسن الثّناء.

باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...



يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .



و حكمتكم : طوبي لمن شغله عيبه عن عيوب الناس

باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...



محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .



ظلم الضعيف أفحش ظلم


باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...


لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .



وحكمتكم : العين بريد القلب .



باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...



قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.





و حكمتكم : الغفلة غرور.



باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...


جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

وحكمتكم : الفقه جيش لا يهزم
...

باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...



جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.



وحكمتكم : القريب من قَرُبَ نفعه.



باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...



امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .



وحكمتكم: كرام الناس أسرعهم مودّة.


باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...


نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.


وحكمتكم : لين الكلام قيد القلوب.



باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...


سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .



و حكمتكم : المشقة كلها في تأديب الجاهل .


...

باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...


خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .



و حكمتكم : النفس مولعة بحب العاجل .



باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...



خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.



وحكمتكم : هيهات من نصيحة عدوّ.


باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...



دارنا في الجبل ، مقابلة مكة ، مفتاحها من ذهب ، يشعل ما يطفي .